ABŞ rəsmisi "nüvə silahları süni intellektin nəzarətində olmamalıdır" deyə Çin və Rusiyaya xəbərdarlıq edib!

     ABŞ-ın yüksək rütbəli rəsmisi Çin və Rusiyaya xəbərdarlıq edib ki, nüvə silahının yerləşdirilməsi ilə bağlı qərarlar heç vaxt süni intellekt tərəfindən deyil, yalnız insanlar tərəfindən verilməlidir.

     ABŞ Dövlət Departamentinin Silahlara Nəzarət üzrə rəsmisi Paul Dean deyib ki, Vaşinqton xalqın nüvə silahları üzərində tam nəzarətə malik olması ilə bağlı açıq öhdəlik götürüb və Fransa ilə Britaniya bununla razılaşıb. Dean, Çin və Rusiya Federasiyasından da oxşar bəyanat gözlədiklərini əlavə edib.     Paul Dean, Birləşmiş Millətlər Təşkilatının Təhlükəsizlik Şurasının beş daimi üzvünə istinad edərək "Biz düşünürük ki, bu, son dərəcə vacib davranış nümunəsidir" deyə qeyd edib. Paul Dean-in bəyanatı ABŞ prezidenti Joe Biden administrasiyasının Çinlə həm nüvə silahı siyasəti, həm də süni intellektin inkişafı ilə bağlı danışıqları sürətləndirdiyi bir vaxtda verilib. Çin Müdafiə Nazirliyindən isə hələ ki, cavab yoxdur.     ABŞ-ın Xarici İşlər Naziri Antony Blinken və Çinin Xarici İşlər Naziri Wang Yi yaxın həftələrdə süni intellektlə bağlı ilk görüşü keçirəcək. Blinken, texnologiyanı əhatə edən risklərin və təhlükəsizliyin ən yaxşı şəkildə idarə olunmasına dair fikirlərini bölüşəcəklərini söyləyib. Hərbi kommunikasiyaların normallaşdırılması çərçivəsində ABŞ və Çin rəsmiləri yanvar ayında nüvə silahı danışıqlarını bərpa ediblər, lakin silahlara nəzarət üzrə rəsmi danışıqların tezliklə baş tutacağı gözlənilmir.