Apple təchizatçısı, iPhone 16 sifarişlərini yerinə yetirmək üçün səfərbər olub!

     Microsoft, Sony və Apple kimi bir çox texnologiya nəhənginin aparat təchizatçısı olan Foxconn, yeni bir iş elanı ilə iPhone 16 sifarişləri üçün səfərbər olduğunu göstərib.

     Çində yerləşən texnologiya və avadanlıq təchizatçısı Foxconn, ölkədəki ən böyük fabrikinin yerləşdiyi Zhengzhou yeri üçün yeni iş elanı dərc edib. Bildirilib ki, şirkət, iPhone hissələrinin istehsal edildiyi fabrik kimi tanınan yerdə işləmək üçün saatda 25 yuana (6 AZN) çalışacaq işçilər axtarır. Bu xəbər, Foxconn-un iPhone 16 sifarişləri üzərində işini sürətləndirdiyini göstərir.     Foxconn-dan gələn xəbərlər bununla da məhdudlaşmır. Şirkət, iPhone 16-nın tədarükü üçün fabrikdə çalışan işçilərə 7500 yuana (1757 AZN) qədər mükafat ödədiklərini açıqlayıb. Bu açıqlamalarla şirkət, ötən dövrdə ucuz işçi qüvvəsindən istifadə ittihamlarına cavab verib və eyni zamanda Apple-ın iPhone 16 satışları ilə bağlı gözləntilərinin nə qədər böyük olduğunu ortaya qoyub. Apple-dan gələn son xəbərlər, iPhone 16 seriyasının yeni nəsil süni intellekt modeli Apple Intelligence ilə dünya səviyyəsində 100 milyon satışa çatmasını gözlədiklərini göstərir. Bu rəqəmlər, 2023-cü ildə 81 milyon satışa çatan iPhone 15 seriyasından xeyli irəlidədir. Bu mənada Apple, Foxconn-dan avadanlıq istehsalını sürətləndirməyi xahiş etmiş ola bilər.