Bootcamp-da iştirak et – 16000 dollar mükafat uğrunda yarış

Oyun sənayesində ideyanı real məhsula çevirməyə hazırsan?

“GameTech Bootcamp 2026” ideyanı cəmi 3 gün ərzində MVP-yə çevirmək, beynəlxalq mentorların dəstəyindən yararlanmaq, komanda ilə işləmək və ekspert münsiflər qarşısında layihəni təqdim etmək imkanı yaradır.

Bootcamp çərçivəsində iştirakçılar $16 000 ümumi mükafat fondu uğrunda yarışacaqlar. Müraciət üçün tarixlər: 17–31 avqustdur. Bootcamp Nizami Kino Mərkəzində 9-11 sentyabr tarixlərində keçiriləcək.

1-ci gün (9 sentyabr) – Seminarlar.

Bootcamp-a sahə üzrə mütəxəssislərin rəhbərliyi ilə keçirilən praktiki seminarlarla başlayırsınız. Oyun hazırlanması üçün əsas bacarıqları öyrənib, komanda yoldaşlarınızla tanış olursunuz, qarşıya qoyulan tapşırığı araşdırıb, layihənizin yol xəritəsini hazırlayın.

2-ci gün (10 sentyabr) – İnkişaf.

İntensiv oyun hazırlanması mərhələsində ideyalarınızı reallığa çevirirsiniz. Gün ərzində komandanızla birlikdə çalışın və mentorların dəstəyi ilə layihənizin hazırlanmasını gecə ərzində də davam etdirin.

3-cü gün (11 sentyabr) – İnkişaf + Final.

Layihənizi tamamlayın, təqdimatınızı hazırlayın və final təqdimat sessiyası zamanı oyununuzu münsiflər heyətinə nümayiş etdirin. Ən yaxşı komandalar mükafatlar və maraqlı imkanlar uğrunda mübarizə aparacaqlar.

İştirak şərtləri

18 yaşınız tamam olmalı və ya 18 yaşdan yuxarı olmalısınız.
Proqramlaşdırma bacarıqlarınız olmalıdır (hər komandada ən azı bir proqramçı olmalıdır).
Bootcamp-ın bütün günləri üçün öz noutbukunuzu gətirməlisiniz.
Tədbirin hər üç günündə iştirak edə bilməlisiniz.
İngilis dilini işlək səviyyədə bilməlisiniz, çünki yekun layihə təqdimatları ingilis dilində keçiriləcək.

Komanda tələbləri

Komandalar 1–5 iştirakçıdan ibarət ola bilər.
Fərdi müraciətlər də qəbul olunur, lakin seçim prosesində komanda şəklində edilən müraciətlərə üstünlük veriləcək.

Qeydiyyat üçün keçid edin!