Ən güclü MacBook-dan belə daha güclü olan yeni iPad Pro təqdim edildi! - QİYMƏTİ

     Apple qabaqcıl çipləri və son dərəcə incə quruluşu ilə diqqət çəkən iPad Pro modellərini təqdim etdi.

     Apple-ın 7 May tarixində baş tutan tədbirində bəlkə də ən çox gözlənilən məhsulu olan iPad Pro, nəhayət təqdim edildi. iPod Nano-dan belə incə olması ilə seçilən planşet, OLED ekranlara sahib olsa da, diqqəti çəkən əsas məqam M4 çipi oldu. Daha əvvəl bildirilmişdi ki, Apple bu versiyada M4 çipinə keçəcək və nəhayət bu gözləntilər özünü doğrultdu. Cihazın xüsusiyyətləri hətta MacBook-ları da kölgədə qoymağı bacarıb.  

Ekran	OLED, 11 düym və ya 13 düym, 1600 nit, 120 Hz
Prosessor	Apple M4
Neyron prosessoru	Saniyədə 38 trilyon əməliyyat
Yaddaş	256GB/512GB/1TB/2TB
Kamera	12 MP - 12 MP geniş bucaqlı kamera
Şəbəkə	4G LTE, WiFi 6E, Bluetooth

      Yeni iPad Pro-lar əvvəlki nəsil cihazlarla müqayisədə 50% daha güclü prosessorlara malikdir və onların neyron prosessor blokları 38 trilyon əməliyyatı yerinə yetirməyə qadirdir. Bu mənada, Apple-ın süni intellekt sahəsində ciddi bir irəliləyiş əldə etməsini gözləmək olar. Yalnız 5,3 və 5,1 mm qalınlığında olan yeni iPad Pro-lar Ultra Retina XDR ekran paneli sayəsində işıq əksetdirmələrini də aradan qaldırır. iPad Pro-nun 11 düymlük versiyası 999 dollardan, 13 düymlük versiyası isə 1299 dollardan başlayır.