18:36
Google Cloud günlərlə işləyən Gemini AI köməkçisini təqdim etdi
“Google Cloud” şirkətlər üçün “Gemini agent” adlı universal iş köməkçisini göstərib. “Gemini at Work 2026” tədbirində elan olunan alət tapşırıqları tək bir pəncərədən qəbul edir və müxtəlif tətbiq, eləcə də cihazlarda yerinə yetirir. İstifadəçinin hər addımı ayrıca izah etməsinə ehtiyac qalmır. Sadəcə istədiyi nəticəni yazması kifayətdir. Agent arxa planda saatlarla, hətta günlərlə işləyə bilir.
Agent “Gemini Enterprise” tətbiqində, “Google Workspace” xidmətlərində və başqa platformalarda işləyir. “Gmail”, “Drive”, “Docs”, “Sheets”, “Slides”, “Calendar” və “Chat” daxilində “@Gemini” yazaraq ona tapşırıq vermək olur. Alətə “Slack”, “Microsoft 365”, komanda sətri, mobil cihaz, kompüter və vebdən də çıxış var. API ilə agenti ayrıca idarəetmə ekranına ehtiyac olmadan başqa tətbiqlərə qoşmaq olar. “Gemini agent” sualları cavablandırır, sənədlərlə işləyir, media materialları hazırlayır, kod yazır və həmin kodu işə salır. Məsələn, rəhbərin son layihə hesabatını təqdimat şəklində istədiyini anlayaraq işi bir toxunuşla üzərinə götürə bilər. Agent əvvəlki yazışmalardan görüş iştirakçılarını müəyyənləşdirir, onların təqvimlərini yoxlayır və uyğun vaxtı seçmək üçün elektron poçt müzakirəsi başladır. Xarici iştirakçıları da bu prosesə qoşmaq olur. Alət şəxsi köməkçi kimi işləməklə yanaşı, komanda üzvü və ya müəyyən rolu yerinə yetirən agent ola bilər. Belə agentə ayrıca kimlik və “@agents.company.com” ünvanı vermək olar. Sistem tapşırığa uyğun modeli özü seçir və hazırda “Gemini” ilə “Claude” model ailələrindən yararlanır. Gələcəkdə şirkətə aid özəl modellərin və açıq modellərin də əlavə edilməsi planlaşdırılır. Mürəkkəb işlərdə agent ayrı-ayrı hissələr üzrə çalışan xüsusi alt agentlərdən yararlanır. Onların eyni vaxtda və ya növbə ilə gördüyü işləri bir-biri ilə əlaqələndirir. Sistem buludda işlədiyinə görə cihaz dəyişdikdə məlumatlar, əvvəlki söhbətin məzmunu və şəxsi ayarlar qorunur. Yaddaş sistemi cari sessiyanı, sənəd və söhbətlərdən toplanan məlumatları, iş qaydalarını və əvvəlki addımları yadda saxlayır. Beləliklə, günlərlə davam edən tapşırıqlar əvvəlki məlumatlar itirilmədən tamamlanır. “Gemini agent” hazırda müəssisə müştəriləri üçün qapalı sınaq mərhələsindədir. “Google” seçilmiş “Workspace Business” və “Enterprise” planlarında daha geniş istifadənin tezliklə başlayacağını deyib. Şirkət may ayında adi istifadəçilər üçün “Gemini Spark” agentini də çıxarmışdı. Abunəçilər bu alətlə “Workspace” və vebdə tapşırıqları yerinə yetirə bilirlər. Ancaq “Gemini Spark” “Gemini” tətbiqində ayrıca pəncərədən açılır.
Agent “Gemini Enterprise” tətbiqində, “Google Workspace” xidmətlərində və başqa platformalarda işləyir. “Gmail”, “Drive”, “Docs”, “Sheets”, “Slides”, “Calendar” və “Chat” daxilində “@Gemini” yazaraq ona tapşırıq vermək olur. Alətə “Slack”, “Microsoft 365”, komanda sətri, mobil cihaz, kompüter və vebdən də çıxış var. API ilə agenti ayrıca idarəetmə ekranına ehtiyac olmadan başqa tətbiqlərə qoşmaq olar. “Gemini agent” sualları cavablandırır, sənədlərlə işləyir, media materialları hazırlayır, kod yazır və həmin kodu işə salır. Məsələn, rəhbərin son layihə hesabatını təqdimat şəklində istədiyini anlayaraq işi bir toxunuşla üzərinə götürə bilər. Agent əvvəlki yazışmalardan görüş iştirakçılarını müəyyənləşdirir, onların təqvimlərini yoxlayır və uyğun vaxtı seçmək üçün elektron poçt müzakirəsi başladır. Xarici iştirakçıları da bu prosesə qoşmaq olur. Alət şəxsi köməkçi kimi işləməklə yanaşı, komanda üzvü və ya müəyyən rolu yerinə yetirən agent ola bilər. Belə agentə ayrıca kimlik və “@agents.company.com” ünvanı vermək olar. Sistem tapşırığa uyğun modeli özü seçir və hazırda “Gemini” ilə “Claude” model ailələrindən yararlanır. Gələcəkdə şirkətə aid özəl modellərin və açıq modellərin də əlavə edilməsi planlaşdırılır. Mürəkkəb işlərdə agent ayrı-ayrı hissələr üzrə çalışan xüsusi alt agentlərdən yararlanır. Onların eyni vaxtda və ya növbə ilə gördüyü işləri bir-biri ilə əlaqələndirir. Sistem buludda işlədiyinə görə cihaz dəyişdikdə məlumatlar, əvvəlki söhbətin məzmunu və şəxsi ayarlar qorunur. Yaddaş sistemi cari sessiyanı, sənəd və söhbətlərdən toplanan məlumatları, iş qaydalarını və əvvəlki addımları yadda saxlayır. Beləliklə, günlərlə davam edən tapşırıqlar əvvəlki məlumatlar itirilmədən tamamlanır. “Gemini agent” hazırda müəssisə müştəriləri üçün qapalı sınaq mərhələsindədir. “Google” seçilmiş “Workspace Business” və “Enterprise” planlarında daha geniş istifadənin tezliklə başlayacağını deyib. Şirkət may ayında adi istifadəçilər üçün “Gemini Spark” agentini də çıxarmışdı. Abunəçilər bu alətlə “Workspace” və vebdə tapşırıqları yerinə yetirə bilirlər. Ancaq “Gemini Spark” “Gemini” tətbiqində ayrıca pəncərədən açılır.