16:26
Google Play tərtibatçılara öz ödəniş sistemlərini təqdim etməyə imkan verəcək
Google iyunun 30-dan etibarən ABŞ, Böyük Britaniya və Avropada fəaliyyət göstərən tərtibatçılara Google Play-dən kənar ödəniş üsulları təklif etməyə icazə verəcək. Şirkət eyni zamanda bu bazarlarda tətbiq satışlarından aldığı komissiya modelini də dəyişir.
Yeni qaydalara əsasən, tərtibatçılar tətbiq daxilində istifadəçiləri öz ödəniş sistemlərinə və ya rəsmi internet saytlarına yönləndirə biləcəklər. Google Play-in ödəniş sistemi əvvəlki kimi mövcud olacaq, lakin artıq yeganə seçim olmayacaq. İstifadəçilər ödəniş zamanı hansı üsuldan istifadə etmək istədiklərini seçə biləcəklər. Ən diqqətçəkən dəyişikliklərdən biri isə Google-un 30%-lik komissiyasından imtina etməsidir. Yeni modelə əsasən, xidmət haqqı illik ilk 1 milyon dollar gəlir üçün 10% olacaq və bu, istifadə edilən ödəniş sistemindən asılı olmayacaq. Abunəliklərin avtomatik yenilənməsi üçün də eyni 10%-lik xidmət haqqı tətbiq ediləcək. Əgər tərtibatçı Google Play Billing sistemindən istifadə etməyə davam edərsə, xidmət haqqına əlavə olaraq 5%-lik ödəniş emalı haqqı da tutulacaq. İllik ilk 1 milyon dollar həddindən sonra isə yeni yükləmələr üzrə Google-un komissiyası 20%-ə yüksələcək. Mövcud istifadəçilərdən əldə olunan digər gəlirlər üçün isə komissiya tətbiqin növündən asılı olaraq 20-25% arasında dəyişəcək. Bununla yanaşı, yüksək keyfiyyətli oyunlar və çoxplatformalı tətbiqlər hazırlayan studiyalar üçün nəzərdə tutulan xüsusi proqramlar vasitəsilə daha aşağı komissiyalardan yararlanmaq mümkün olacaq. Hazırda bu dəyişikliklər iyunun 30-dan ABŞ, Böyük Britaniya və Avropada qüvvəyə minəcək. Google bildirir ki, yeni komissiya və ödəniş modeli mərhələli şəkildə digər ölkələrdə də tətbiq olunacaq və 30 sentyabr 2027-ci il tarixinədək bütün dünyada standart sistemə çevriləcək. Bu dəyişikliklər Google ilə Epic Games arasında illərlə davam edən məhkəmə çəkişməsinin razılaşma ilə yekunlaşmasının bir hissəsi kimi həyata keçirilir.
Yeni qaydalara əsasən, tərtibatçılar tətbiq daxilində istifadəçiləri öz ödəniş sistemlərinə və ya rəsmi internet saytlarına yönləndirə biləcəklər. Google Play-in ödəniş sistemi əvvəlki kimi mövcud olacaq, lakin artıq yeganə seçim olmayacaq. İstifadəçilər ödəniş zamanı hansı üsuldan istifadə etmək istədiklərini seçə biləcəklər. Ən diqqətçəkən dəyişikliklərdən biri isə Google-un 30%-lik komissiyasından imtina etməsidir. Yeni modelə əsasən, xidmət haqqı illik ilk 1 milyon dollar gəlir üçün 10% olacaq və bu, istifadə edilən ödəniş sistemindən asılı olmayacaq. Abunəliklərin avtomatik yenilənməsi üçün də eyni 10%-lik xidmət haqqı tətbiq ediləcək. Əgər tərtibatçı Google Play Billing sistemindən istifadə etməyə davam edərsə, xidmət haqqına əlavə olaraq 5%-lik ödəniş emalı haqqı da tutulacaq. İllik ilk 1 milyon dollar həddindən sonra isə yeni yükləmələr üzrə Google-un komissiyası 20%-ə yüksələcək. Mövcud istifadəçilərdən əldə olunan digər gəlirlər üçün isə komissiya tətbiqin növündən asılı olaraq 20-25% arasında dəyişəcək. Bununla yanaşı, yüksək keyfiyyətli oyunlar və çoxplatformalı tətbiqlər hazırlayan studiyalar üçün nəzərdə tutulan xüsusi proqramlar vasitəsilə daha aşağı komissiyalardan yararlanmaq mümkün olacaq. Hazırda bu dəyişikliklər iyunun 30-dan ABŞ, Böyük Britaniya və Avropada qüvvəyə minəcək. Google bildirir ki, yeni komissiya və ödəniş modeli mərhələli şəkildə digər ölkələrdə də tətbiq olunacaq və 30 sentyabr 2027-ci il tarixinədək bütün dünyada standart sistemə çevriləcək. Bu dəyişikliklər Google ilə Epic Games arasında illərlə davam edən məhkəmə çəkişməsinin razılaşma ilə yekunlaşmasının bir hissəsi kimi həyata keçirilir.