Miro komandalar üçün “AI Workflows” təqdim etdi

  Technote.az “TNW” platformasına istinadən bildirir ki, Miro komandalar üçün yeni süni intellekt əsaslı funksiyalar təqdim edib. Şirkət 2026-cı ilin əvvəlində istifadəyə verdiyi “AI Workflows” sistemi ilə artıq AI-ı birbaşa komanda lövhəsinə (whiteboard) inteqrasiya edir.  Bu yeniliklərin əsas məqsədi komandaların ideya mübadiləsini daha sürətli və effektiv hala gətirməkdir. Ən böyük problem isə indiyə qədər belə idi: komanda üzvləri whiteboard üzərində qurduğu kompleks ideyaları AI alətlərinə ötürəndə həmin vizual kontekst itirdi. Miro bu problemi aradan qaldırmaq üçün AI-ı birbaşa həmin mühitə gətirib.  Yeni sistem iki əsas komponentdən ibarətdir:

• Sidekicks – lövhə üzərində işləyən AI agentlərdir. Onlar sticky note-lar, diaqramlar və digər vizual elementləri anlayaraq konteksti avtomatik qəbul edir.
• Flows – çoxmərhələli AI prosesləridir. Məsələn, istifadəçi araşdırmalarından avtomatik olaraq nəticə çıxarmaq və məhsul planı yaratmaq kimi işləri yerinə yetirir.

  Bu yanaşma sayəsində komandalar brainstorm nəticələrini avtomatik şəkildə strukturlaşdırılmış sənədlərə, təqdimatlara və hətta prototiplərə çevirə bilir. Artıq istifadəçilər məlumatı başqa platformaya kopyalamağa ehtiyac duymur, AI bütün prosesi eyni mühitdə idarə edir.  Platforma artıq PepsiCo, ASOS və Deloitte kimi iri şirkətlər tərəfindən istifadə olunur. Yeni funksiyalar nəticəsində bəzi komandalar innovasiya proseslərini həftələrdən saatlara qədər qısalda bildiyini bildirir. Bundan əlavə, Miro mart ayında Reforge şirkətini də satın alıb. Bu addım AI alətlərini sadəcə texniki deyil, həm də strateji düşüncə ilə birləşdirmək məqsədi daşıyır.