Samsung Galaxy AI alətlərinə və Bixby köməkçisinə dillər əlavə etdi

    “Samsung” “Galaxy AI” süni intellekt alətləri və “Bixby” səsli köməkçisi üçün yeni dillər əlavə edib. Yeniliklər əsasən zənglərin tərcüməsi, qeydlərin qısaldılması və danışığın mətnə çevrilməsi funksiyalarını əhatə edir. “Bixby” üçün yeni dillər oktyabrın 14-də açılıb. “Galaxy AI” yenilikləri isə qarşıdakı həftələr ərzində mərhələli yayılacaq.    “Call Assist”, “Interpreter”, “Note Assist” və “Transcript Assist” artıq macar və malay dillərində də işləyəcək. Bu alətlərlə telefon danışıqlarını tərcümə etmək, söhbəti yazıya çevirmək və qeydlərin qısa xülasəsini hazırlamaq olur. Dəyişiklikdən sonra “Live Translate” ümumilikdə 24 dili dəstəkləyəcək. Beləliklə, fərqli dillərdə danışan istifadəçilər daha rahat ünsiyyət qura biləcəklər.    “Now Nudge” funksiyasına 8 yeni dil əlavə olunur. Siyahıda niderland, filippin, qucarat, macar, malay, rumın, isveç və türk dilləri yer alır. Bundan sonra funksiya ümumilikdə 24 dildə işləyəcək. Yeni dil paketləri “Galaxy AI” yeniləməsi ilə qarşıdakı həftələrdə açılacaq.    “Bixby” səsli köməkçisi polyak, tay və vyetnam dillərində də işləməyə başlayıb. Bu əlavələrdən sonra köməkçinin dəstəklədiyi dillərin sayı 12-yə çatıb və yeni seçimlər artıq açıqdır. “Galaxy AI” alətlərindən fərqli olaraq, “Bixby” üçün əlavə gözləmək lazım deyil. Beləliklə, daha çox istifadəçi tərcümə və mətnlə işləmə alətlərindən öz dilində yararlana biləcək.