18:55
Təqdimata hazırlaşan Xiaomi 15T-nin render fotoları təqdim olunub
Xiaomi şirkəti dünən Xiaomi 15T smartfon seriyasının təqdimatını anons etdi. Sözügedən smartfon seriyası 24 sentyabr tarixində təqdim olunacaq. Gözləntilərə əsasən bu seriyaya 2 model daxil olacaq: Xiaomi 15T və Xiaomi 15T Pro. İndi isə insayderlər Xiaomi 15T modelinin render fotolarını təqdim ediblər. Təqdim edilmiş render fotolarda smartfon iki gövdə rəngində əks olunub: qara və boz. Render fotolardan da görmək olar ki, Xiaomi 15T özündə yastı gövdə dizaynını birləşdirəcək və onun arxa panelində kvadrat formalı kamera sahəsi yerləşəcək. Kamera sahəsinin daxilində isə 3 ədəd kamera mövcud olacaq. Çox güman ki, Xiaomi 15T Pro modeli də eyni xarici görünüşə sahib olacaq. Son məlumatlara əsasən Xiaomi 15T smartfonu MediaTek Dimensity 8400 Ultra prosessoru vasitəsilə çalışacaq.
