Yeni texnologiya sayəsində pəncərələr, 5G baza stansiyalarına çevriləcək!

     Yaponiyanın AGC və telekommunikasiya şirkəti NTT Docomo tərəfindən hazırlanmış və WAVEAntenna adlanan yeni şüşə antena, pəncərələri 5G üçün baza stansiyasına çevirir.

     Keçən ay Tokioda yerləşən rabitə şirkəti JTower, qismən şüşə istehsalçısı AGC və mobil operator NTT Docomo ilə birlikdə yeni şüşə antenanın yaradıldığını elan edib. Bu yenilik, sadəcə elanla məhdudlaşmayıb, həm də Tokionun Shinjuku bölgəsindəki bir binada ilk dəfə test edilib. WAVEAntenna adlanan bu cihaz, pəncərələrə quraşdırılaraq xarici mühiti 5G xidmət sahəsinə çevirir. Şəffaf quruluşu sayəsində bina fasadlarında vizual kirlilik yaratmır. 5G şəbəkələri daha yüksək tezlik spektrumlarından istifadə etdiyi üçün 4G ilə müqayisədə əhatə dairəsi daha məhduddur. Bu isə daha çox baza stansiyasının quraşdırılmasını tələb edir, amma bu stansiyaların şəhər daxilində genişlənməsi estetik problemlər yaradır. Şüşə antena texnologiyası, bu məsələyə həll kimi inkişaf etdirilib. AGC-nin marketinq meneceri Shota Ochiai, bu antenanın pəncərənin içərisinə quraşdırıldığını və bina fasadı pozulmadan 5G əhatəsini təmin etdiyini qeyd edib.     Bu antenalar, 5G-nin aşağı tezlik bandı olan Sub6 spektrumu ilə, yəni 6 GHz-dən aşağı siqnallarla uyğun işləyir. Sub6 antenaları, aşağı tezliklərlə işləyərək siqnalların binalar və divarlar kimi maneələri aşmasını asanlaşdırır. NTT Docomo, antenanın şəffaf keçirici materiallardan hazırlandığını və bu materialın 2 şüşə təbəqəsi arasına şəffaf rezin ilə laminasiya edildiyini bildirir. Şüşə antena, radyo dalğalarının pəncərədən keçərkən istiqamətlərində yaranan təhrifləri düzəltmək üçün şirkətin patentləşdirilmiş texnologiyasından istifadə edir.     AGC-yə görə, məhsulun əvvəlki prototip versiyası 2020-ci ildə təqdim edilmişdi, keçən il isə bir neçə hüceyrə şəbəkəsi tərəfindən paylaşıla bilən versiyası tanıdılıb. Şirkət antenanın 3.7-4.5 GHz tezliklərində optimallaşdırıldığını qeyd edir. Bu tezliklər, 5G-də istifadə olunan 24-100 GHz-lik optimal mmWave tezliklərindən aşağı olsa da, yenə də əhəmiyyətli bant genişliyinə imkan verir.