09:31
Anthropic Claude Duet adlı süni intellekt agentini təqdim etdi
“Anthropic” istifadəçi onunla danışmadığı vaxt da işləyə bilən “Claude Duet” adlı yeni süni intellekt agentini açıqlayıb. Hazırda sınaq mərhələsində olan xidmət ABŞ bazarında “Pro” və “Max” abunəçilərinə gözləmə siyahısı ilə açılır. Dəvətlər mərhələli göndəriləcək. “Anthropic” bu agenti işi çox olan mütəxəssislər və kiçik biznes sahibləri üçün hazırlayıb. Xidmət “OpenAI” şirkətinin “Dots” və “Meta” şirkətinin “Muse” agentləri ilə rəqabət aparır.
“Claude Duet” yazılı və səsli tapşırıqları qəbul edir, qoşulmuş elektron poçtu, təqvimi və digər tətbiqləri izləyir. Agent hər səhər vacib məsələlərin qısa xülasəsini hazırlaya, cavab qaralamaları yaza və gün ərzində qərar tələb edən işlər barədə xəbər verə bilər. O, adi “Claude” ilə eyni yaddaşdan, bacarıqlardan və bağlantılardan yararlanır, əvvəlki söhbətlərdə də axtarış aparır. Ayrı mövzular üçün açılan kanalların yaddaşı ortaqdır. Agent görüşləri planlaşdıra, araşdırma sənədi, təqdimat, maliyyə modeli və satış proqnozu hazırlaya bilər. O, həmçinin onlarla alətdən istifadə edərək məlumat panelləri hazırlaya bilir, prototiplər yaradır və veb tətbiqlər üzərində işləyir. Böyük tapşırıqların nəticələri yoxlamaq və redaktə etmək üçün fayl şəklində “Make” bölməsinə əlavə olunur. Xidmət ayrıca bulud kompüterində və brauzerdə işləyir. Buna görə proqram bağlansa və ya istifadəçinin kompüteri sönsə belə, tapşırıq davam edir. Birbaşa bağlantısı olmayan saytlar “Claude Duet” agentinin bulud brauzerində açılır. Xidmət kiçik biznes üçün hazırlanmış seçim də daxil olmaqla plaginlərlə işləyir və görülən işə uyğun plagin tövsiyə edə bilir. “Stripe” bağlantısı ödənilməmiş hesabları yoxlayır və ödəniş xatırlatmaları üçün qaralama hazırlayır. “Link” və “Shop Pay” ilə istifadəçi təsdiq verdikdən sonra alış etmək olur. Davam edən və diqqət tələb edən işlər “Tasks” bölməsindən izlənir. “Claude Duet” tapşırığı tamamlayanda və ya qərar lazım olanda əsas söhbətə yenilik göndərir. Ancaq işi bitmiş kimi yalnız istifadəçi işarələyə bilər. Mesaj göndərmək, ödəniş etmək, sənəd imzalamaq və məlumat silmək istifadəçinin icazəsini tələb edir. Bu məhdudiyyət agentin istifadəçidən xəbərsiz həssas əməliyyat aparmasının qarşısını almaq üçündür.
“Anthropic” agentin hələ də səhv edə biləcəyini deyir. Xidmət yazışmanı yanlış anlaya, işin nə qədər vacib olduğunu düzgün qiymətləndirməyə və yoxlamalar arasında gələn yeniliyi gözdən qaçıra bilər. Arxa planda görülən bütün işlər istifadəçinin hazırkı limitindən çıxılır. Maliyyə modeli və təqdimat kimi böyük tapşırıqlar daha çox mərhələ tələb etdiyindən limiti daha tez tükədə bilər. “Claude Duet” üçün ayrıca ödəniş alınmır, amma xidmət “Pro” və “Max” planlarının limitlərinə daxildir. “Team” və “Enterprise” planları hələ dəstəklənmir, onların gələcəkdə əlavə olunması planlaşdırılır. Agent “Claude Opus 5.5” modeli əsasında çalışır. Dəvət alan istifadəçilər agentə “iOS” və “Android” tətbiqlərindən, həmçinin “claude.ai” saytından daxil ola bilərlər.
“Claude Duet” yazılı və səsli tapşırıqları qəbul edir, qoşulmuş elektron poçtu, təqvimi və digər tətbiqləri izləyir. Agent hər səhər vacib məsələlərin qısa xülasəsini hazırlaya, cavab qaralamaları yaza və gün ərzində qərar tələb edən işlər barədə xəbər verə bilər. O, adi “Claude” ilə eyni yaddaşdan, bacarıqlardan və bağlantılardan yararlanır, əvvəlki söhbətlərdə də axtarış aparır. Ayrı mövzular üçün açılan kanalların yaddaşı ortaqdır. Agent görüşləri planlaşdıra, araşdırma sənədi, təqdimat, maliyyə modeli və satış proqnozu hazırlaya bilər. O, həmçinin onlarla alətdən istifadə edərək məlumat panelləri hazırlaya bilir, prototiplər yaradır və veb tətbiqlər üzərində işləyir. Böyük tapşırıqların nəticələri yoxlamaq və redaktə etmək üçün fayl şəklində “Make” bölməsinə əlavə olunur. Xidmət ayrıca bulud kompüterində və brauzerdə işləyir. Buna görə proqram bağlansa və ya istifadəçinin kompüteri sönsə belə, tapşırıq davam edir. Birbaşa bağlantısı olmayan saytlar “Claude Duet” agentinin bulud brauzerində açılır. Xidmət kiçik biznes üçün hazırlanmış seçim də daxil olmaqla plaginlərlə işləyir və görülən işə uyğun plagin tövsiyə edə bilir. “Stripe” bağlantısı ödənilməmiş hesabları yoxlayır və ödəniş xatırlatmaları üçün qaralama hazırlayır. “Link” və “Shop Pay” ilə istifadəçi təsdiq verdikdən sonra alış etmək olur. Davam edən və diqqət tələb edən işlər “Tasks” bölməsindən izlənir. “Claude Duet” tapşırığı tamamlayanda və ya qərar lazım olanda əsas söhbətə yenilik göndərir. Ancaq işi bitmiş kimi yalnız istifadəçi işarələyə bilər. Mesaj göndərmək, ödəniş etmək, sənəd imzalamaq və məlumat silmək istifadəçinin icazəsini tələb edir. Bu məhdudiyyət agentin istifadəçidən xəbərsiz həssas əməliyyat aparmasının qarşısını almaq üçündür. “Anthropic” agentin hələ də səhv edə biləcəyini deyir. Xidmət yazışmanı yanlış anlaya, işin nə qədər vacib olduğunu düzgün qiymətləndirməyə və yoxlamalar arasında gələn yeniliyi gözdən qaçıra bilər. Arxa planda görülən bütün işlər istifadəçinin hazırkı limitindən çıxılır. Maliyyə modeli və təqdimat kimi böyük tapşırıqlar daha çox mərhələ tələb etdiyindən limiti daha tez tükədə bilər. “Claude Duet” üçün ayrıca ödəniş alınmır, amma xidmət “Pro” və “Max” planlarının limitlərinə daxildir. “Team” və “Enterprise” planları hələ dəstəklənmir, onların gələcəkdə əlavə olunması planlaşdırılır. Agent “Claude Opus 5.5” modeli əsasında çalışır. Dəvət alan istifadəçilər agentə “iOS” və “Android” tətbiqlərindən, həmçinin “claude.ai” saytından daxil ola bilərlər.