10:36
Elon Musk ilk hədəfdir: fəallar 150-dən çox ev ünvanını açıqlayacaq
“Capytistas” adlı gizli fəallar qrupu bu ay milyarderlərin ev ünvanlarını açıqlamağa hazırlaşır. Kampaniyanın ilk mərhələsində “Elon Musk”, onun qardaşı “Kimbal Musk”, “Tesla”nın idarə heyəti üzvləri, investorları və təchizatçıları hədəf seçilib. Qrup bu addımı ABŞ siyasətində sərvət və gücün az sayda insanın əlində toplanmasına qarşı kampaniya kimi izah edir.
“Capytistas” deyir ki, qrup fəallar, araşdırmaçılar, jurnalistlər və sənətçilərdən ibarətdir. Təhlükəsizlik üçün kiçik dəstələr şəklində işləyirlər və çox vaxt bir-birinin adını bilmirlər. Layihə üçün 1,2 milyon dollardan çox vəsait (təxminən 2,04 milyon manat) toplanıb. Qrup 150-dən çox ev ünvanını açıqlamağı planlaşdırır. Bundan başqa, ümumi sərvəti 1,4 trilyon dollar (təxminən 2,4 trilyon manat) olan şəxslər haqqında 3500-dən çox qeyd yayımlanacaq. İlk dosyedə “Elon Musk” və onun şirkətlərinin rəhbərləri ilə bağlı ən azı 32 ünvan var. “Musk” əsas hədəf sayılır. “Tesla” idarə heyətinin sədri “Robyn Denholm”, “Kimbal Musk” və digər yüksək vəzifəli rəhbərlər siyahıda sonrakı pillədədir. “Vanguard”, “BlackRock” və təxminən 40 təchizatçıya aid yalnız ofis, zavod və ya mədən ünvanları göstəriləcək. Qrup ünvanların çoxunun daha əvvəl açıqlanmadığını iddia edir. “Tesla” şərh sorğusuna cavab verməyib. Məlumatlar əsasən əmlak reyestrlərindən, məhkəmə sənədlərindən və şirkət qeydlərindən toplanıb. Varlı şəxslərin daşınmaz əmlak alarkən adlarını gizlətmək üçün seçdiyi trastlar da araşdırılıb. Fəallar bəzən insanları fiziki olaraq izləyib, bəzi şəxsləri təşkilatların daxilinə yerləşdirib və reklam bazarında satılan məkan məlumatlarından yararlanıblar. Onlar bunun doksinq, yəni şəxsi məlumatların razılıq olmadan ictimailəşdirilməsi olduğunu qəbul edir və bu üsuldan geri çəkilmirlər. “Elon Musk” qrupun ən ətraflı araşdırdığı şəxslərdən biri deyil. O, ictimaiyyətin böyük marağına səbəb olduğu üçün ilk hədəf seçilib. Növbəti adlar hələ açıqlanmayıb. Fəallar daha sonra müharibə sənayesi, həbsxana biznesi və genişlənən müşahidə sistemlərindən qazanan şəxslərə yönələcəklərini deyirlər. Onların sözlərinə görə, məqsəd bu şəxslərdə izlənildikləri hissini yaratmaq və etirazları evlərinə, eləcə də istirahət etdikləri məkanlara daşımaqdır. Qrup həmçinin gərginliyin zorakılığa çevrilməsinin qarşısını almaq istədiyini deyir. Kampaniya təhlükəsizlik risklərinin artdığı bir vaxtda başlayır. Ötən il “Tesla” avtomobillərinə və satış məntəqələrinə hücumlar ən azı 9 ştatda qeydə alınmışdı. “Elon Musk”ın hökumətdəki fəaliyyətinə qarşı etirazlar da sürətlə artmışdı. Apreldə yandırıcı qurğu ilə hücumun hədəfi “OpenAI” rəhbəri “Sam Altman” olmuşdu. 20 yaşlı şəxs onun evinin darvazasını yandırdığı üçün saxlanılmışdı. Hadisədə heç kim xəsarət almamışdı. “Capytistas” heç kimə zərər vermək istəmədiyini desə də, hədəf seçilən şəxslərin təhlükəsizliklə bağlı etiraz edəcəyini gözləyir.
“Capytistas” deyir ki, qrup fəallar, araşdırmaçılar, jurnalistlər və sənətçilərdən ibarətdir. Təhlükəsizlik üçün kiçik dəstələr şəklində işləyirlər və çox vaxt bir-birinin adını bilmirlər. Layihə üçün 1,2 milyon dollardan çox vəsait (təxminən 2,04 milyon manat) toplanıb. Qrup 150-dən çox ev ünvanını açıqlamağı planlaşdırır. Bundan başqa, ümumi sərvəti 1,4 trilyon dollar (təxminən 2,4 trilyon manat) olan şəxslər haqqında 3500-dən çox qeyd yayımlanacaq. İlk dosyedə “Elon Musk” və onun şirkətlərinin rəhbərləri ilə bağlı ən azı 32 ünvan var. “Musk” əsas hədəf sayılır. “Tesla” idarə heyətinin sədri “Robyn Denholm”, “Kimbal Musk” və digər yüksək vəzifəli rəhbərlər siyahıda sonrakı pillədədir. “Vanguard”, “BlackRock” və təxminən 40 təchizatçıya aid yalnız ofis, zavod və ya mədən ünvanları göstəriləcək. Qrup ünvanların çoxunun daha əvvəl açıqlanmadığını iddia edir. “Tesla” şərh sorğusuna cavab verməyib. Məlumatlar əsasən əmlak reyestrlərindən, məhkəmə sənədlərindən və şirkət qeydlərindən toplanıb. Varlı şəxslərin daşınmaz əmlak alarkən adlarını gizlətmək üçün seçdiyi trastlar da araşdırılıb. Fəallar bəzən insanları fiziki olaraq izləyib, bəzi şəxsləri təşkilatların daxilinə yerləşdirib və reklam bazarında satılan məkan məlumatlarından yararlanıblar. Onlar bunun doksinq, yəni şəxsi məlumatların razılıq olmadan ictimailəşdirilməsi olduğunu qəbul edir və bu üsuldan geri çəkilmirlər. “Elon Musk” qrupun ən ətraflı araşdırdığı şəxslərdən biri deyil. O, ictimaiyyətin böyük marağına səbəb olduğu üçün ilk hədəf seçilib. Növbəti adlar hələ açıqlanmayıb. Fəallar daha sonra müharibə sənayesi, həbsxana biznesi və genişlənən müşahidə sistemlərindən qazanan şəxslərə yönələcəklərini deyirlər. Onların sözlərinə görə, məqsəd bu şəxslərdə izlənildikləri hissini yaratmaq və etirazları evlərinə, eləcə də istirahət etdikləri məkanlara daşımaqdır. Qrup həmçinin gərginliyin zorakılığa çevrilməsinin qarşısını almaq istədiyini deyir. Kampaniya təhlükəsizlik risklərinin artdığı bir vaxtda başlayır. Ötən il “Tesla” avtomobillərinə və satış məntəqələrinə hücumlar ən azı 9 ştatda qeydə alınmışdı. “Elon Musk”ın hökumətdəki fəaliyyətinə qarşı etirazlar da sürətlə artmışdı. Apreldə yandırıcı qurğu ilə hücumun hədəfi “OpenAI” rəhbəri “Sam Altman” olmuşdu. 20 yaşlı şəxs onun evinin darvazasını yandırdığı üçün saxlanılmışdı. Hadisədə heç kim xəsarət almamışdı. “Capytistas” heç kimə zərər vermək istəmədiyini desə də, hədəf seçilən şəxslərin təhlükəsizliklə bağlı etiraz edəcəyini gözləyir.