GTA VI PS Store və Microsoft Store tarixində ən çox ön sifariş verilən oyun oldu

Britaniyanın Rockstar Games studiyasının açıq dünyalı kriminal döyüş oyunu GTA VI rəqəmsal mağazaların bütün tarixi ərzində PS Store və Microsoft Store-da ən çox ön sifariş verilən oyun oldu. Sony və Microsoft satılan nüsxələrin konkret sayını açıqlamayıb, lakin Sensor Tower analitik şirkətinin hesablamalarına görə, oyunçular indiyədək konsol versiyaları üçün artıq 10,31 mln. rəqəmsal ön sifariş veriblər. Sony platformalarında oyunu 7,73 mln. istifadəçi, Xbox-da isə 2,58 mln. istifadəçi alıb. Gəlir $1 mlrd. həcmində qiymətləndirilir. Sensor Tower-in məlumatına görə, GTA VI Cyberpunk 2077-ni geridə qoyaraq tarixdə ən çox ön sifariş verilən oyun olub. Sony oyunun standart PS5-dəki texniki xüsusiyyətlərini nümayiş etdirən videoçarx göstərib.

Bundan əlavə, Aşa Şarma Take-Two Interactive nəşriyyatı ilə on il davam edəcək tərəfdaşlığın başladığını bildirib. Xatırladaq ki, Rockstar Games törəmə müəssisə kimi tərkibinə daxil olduğu Take-Two Interactive şirkətinə məxsusdur. Əməkdaşlıq çərçivəsində Xbox Cloud Gaming-də təkcə GTA VI əlçatan olmayacaq: şirkət gələcəkdə xidmətə GTA V, RDR 2 və nəşriyyatın digər oyunlarını əlavə etməyi planlaşdırır.

GTA VI-nın buraxılışı 19 noyabr 2026-cı il tarixinə planlaşdırılıb. Oyun PlayStation 5 və Xbox Series X/S üçün çıxacaq. Rockstar Games daha əvvəl GTA VI-nın konsollarda 30 fps tezliyində işləyəcəyini təsdiqləyib. PC versiyası üçün hələ rəsmi çıxış tarixi açıqlanmayıb, lakin bunun 2027-ci ilin birinci rübü olacağı gözlənilir.