Honor Magic 9 Super Edition 11 000 mAs tutumlu akkumulyator və daxili turbinlə təchiz edildi

Honor Magic 9 və 9 Pro Max ilə birlikdə bu gün flaqman seriyasının daha bir modeli — Magic 9 Super Edition təqdim edildi. Smartfonun əsas xüsusiyyətləri 11 000 mAs tutumlu akkumulyator və korpusun münasib qalınlığı (8,1 mm) qorunmaqla daxili ventilyatora malik tammiqyaslı aktiv soyutma sistemi oldu.

Honor Magic 9 Super Edition 2788х1280 piksel (450 ppi) təsvir ölçüsünə və 120 Hz-dək yenilənmə tezliyinə malik 6,81 düymlük düz OLED displeylə təchiz olunub. Pik parlaqlıq 10 000 nitə çatır, HBM rejimində maksimum parlaqlıq isə 2000 nit təşkil edir. 3840 Hz tezlikli PWM və 1,07 milyard rəng dəstəyi var. Smartfon ötənilki 3 nm-lik Snapdragon 8 Elite Gen 5 prosessoru və Adreno 840 qrafikası əsasında hazırlanıb. Soyutmaya mürəkkəb çoxqatlı Jade Plate-level Cooling System 2.0 buxarlanma kamerası və Honor Dongfeng markalı aktiv ventilyator cavabdehdir. Daxili mikroturbin 30 000 dövr/dəq sürətədək fırlanaraq daxili komponentlərin arasından keçən hava axınını təmin edə bilir. LPDDR5X operativ yaddaş və UFS 4.1 yaddaş qurğuları nəzərdə tutulub.

Kamera dəsti Magic 9 və Magic 9 Pro Max modellərindəkindən xeyli sadədir. Əsas kameraya 200 MP-lik əsas sensor (1/1,55″, f/1,9, OIS), 12 MP-lik genişbucaqlı modul (f/2,2, avtofokus) və 50 MP-lik teleobyektiv (Sony LYTIA 500, 1/2,93″, f/2,4, ekvivalent fokus məsafəsi 68 mm, OIS, 3x optik zum, 100x-dək rəqəmsal zum) daxildir. Kamera 4K@120fps-dək video çəkə bilir. Ön kamera 50 MP təsvir ölçüsünə malikdir (1/2,88″, f/2,0, ekvivalent fokus məsafəsi 21 mm, 90° çəkiliş bucağı). Şirkətə məxsus süni intellekt əsaslı görüntü emalı alqoritmləri dəstəklənir.

Smartfon 11 000 mAs tutumlu akkumulyatorla təchiz olunub — bu, Magic seriyasındakı cihazlar arasında ən yüksək göstəricidir. 80 W gücündə naqilli, 50 W gücündə simsiz, həmçinin 27 W-dək gücə malik naqilli əks şarj dəstəklənir. İstehsalçı 20 saatdan çox naviqasiya, 7,5 saat oyun və ya 33 saat video oynatma vəd edir.

Cihaz həmçinin 5G, Wi-Fi 7, Bluetooth 6.0, GPS, NFC, İQ pult, iki nanoSIM, USB 3.2 Gen 1 Type-C portu, stereo dinamiklər və IP68/69/69K qorunma dəstəyi əldə edib. Barmaq izi skaneri ekranın altında yerləşir. Ölçüləri 161,78 × 76,72 × 8,10 mm, çəkisi isə 227 qr-dır. Smartfon MagicOS 11 interfeysli Android 17 əməliyyat sistemi ilə işləyir.

Honor Magic 9 Super Edition modelinin qiymətləri: 12/256 Gb — $670, 12/512 Gb — $745, 16/512 Gb — $819. Cihaz dörd rəng variantında təqdim olunacaq: sarı, ağ, qara və yaşıl. Çində satışlar artıq başlayıb, beynəlxalq buraxılışın vaxtı isə hələ açıqlanmayıb.