16:18
Perplexity 24/7 işləyən Teammates AI agentlərini təqdim etdi
“Perplexity” cümə axşamı “Teammates” adlı şəxsi süni intellekt agentlərini tanıdıb. Bu rəqəmsal köməkçilər gündəlik işləri az nəzarətlə görə bilir. Agentlər çoxmərhələli tapşırıqları buludda yerinə yetirən “Perplexity Computer” sistemində işləyir. Xidmətdən yalnız “Max” abunəçiləri istifadə edə bilər. Plan ayda 200 dollar (340 manat), ildə isə 2000 dollar (3400 manat)dır.
Fevralda çıxan “Perplexity Computer” hər tapşırıq üçün ayrıca müvəqqəti iş sahəsi yaradırdı. Tapşırıq bitəndə həmin sahə və oradakı məlumatlar silinirdi. “Teammates” agentləri isə daimi işləyir və uzunmüddətli, böyük həcmli işləri davam etdirə bilir. Bunun üçün istifadəçinin layihələrindən, yadda saxlanmış məlumatlarından, fayllarından, qoşduğu xidmətlərdən və əvvəlki sessiyalarından yararlanırlar. İstifadəçi hər “Teammate” agentinə ayrıca rol və tapşırıq verə bilər. Agentlər fərqli tapşırıqları eyni vaxtda yerinə yetirə bilir, birlikdə işləyir və bir-birinin işini idarə edirlər. İş çoxaldıqda sistem əlavə agentləri prosesə qoşur və onların vəzifələrini bölüşdürür. Onlar 24/7, yəni gecə-gündüz arxa planda işləyir. Yalnız istifadəçinin qərarı lazım olduqda xəbər göndərirlər. Hər agent üçün “Perplexity Computer” daxilində ayrıca bölmə və yazışma sahəsi var. İstifadəçi burada görülən işləri izləyə, vəziyyəti soruşa, yeni tapşırıq verə və işin istiqamətini dəyişə bilər. Lazım gəldikdə agentin iş sahəsini açıb idarəetməni öz əlinə almaq da olur. “Slack” kanalına qoşulan agent əməkdaşlardan tapşırıq qəbul edir və dəyişikliklərə əvvəlcədən qoyulmuş qaydalara uyğun reaksiya verir. “Perplexity”yə görə, agentlər marketinq, satış, dəstək və əməliyyat işlərini görə bilər. Məsələn, proqram xətalarını qruplaşdıra, keyfiyyəti yoxlaya, təhlükəsizliyə nəzarət edə və məlumatları təhlil edə bilərlər. Siyahıya A/B testlərinin, yəni 2 fərqli variantın nəticələrini müqayisə edən sınaqların idarəsi də daxildir. Agentlər verilən rəylərdən və səhvlərdən nəticə çıxarır. Göstərilən nümunədə reklam agenti daha sərfəli reklam materiallarını seçib, daha böyük kampaniya hazırlayıb və müqavilənin uzadılması məsələsini hüquq şöbəsinə göndərib. “Teammates”dən hələlik veb versiyada istifadə etmək olur, “iOS” dəstəyi də elan edilib. Məlumatlarda “iOS” versiyasının hazır olub-olmadığı fərqli göstərilir. Ayrıca mobil və masaüstü tətbiqlərin daha sonra çıxacağı deyilir. “Free” və “Pro” istifadəçiləri agentlərdən yararlanmaq üçün “Max” planına keçməlidirlər. “OpenAI”, “Anthropic”, “Microsoft” və “xAI” da oxşar iş agentləri hazırlayır. “Perplexity” gələcəkdə hər əməkdaş üçün 100-lərlə agent işlətməyi planlaşdırır.
Fevralda çıxan “Perplexity Computer” hər tapşırıq üçün ayrıca müvəqqəti iş sahəsi yaradırdı. Tapşırıq bitəndə həmin sahə və oradakı məlumatlar silinirdi. “Teammates” agentləri isə daimi işləyir və uzunmüddətli, böyük həcmli işləri davam etdirə bilir. Bunun üçün istifadəçinin layihələrindən, yadda saxlanmış məlumatlarından, fayllarından, qoşduğu xidmətlərdən və əvvəlki sessiyalarından yararlanırlar. İstifadəçi hər “Teammate” agentinə ayrıca rol və tapşırıq verə bilər. Agentlər fərqli tapşırıqları eyni vaxtda yerinə yetirə bilir, birlikdə işləyir və bir-birinin işini idarə edirlər. İş çoxaldıqda sistem əlavə agentləri prosesə qoşur və onların vəzifələrini bölüşdürür. Onlar 24/7, yəni gecə-gündüz arxa planda işləyir. Yalnız istifadəçinin qərarı lazım olduqda xəbər göndərirlər. Hər agent üçün “Perplexity Computer” daxilində ayrıca bölmə və yazışma sahəsi var. İstifadəçi burada görülən işləri izləyə, vəziyyəti soruşa, yeni tapşırıq verə və işin istiqamətini dəyişə bilər. Lazım gəldikdə agentin iş sahəsini açıb idarəetməni öz əlinə almaq da olur. “Slack” kanalına qoşulan agent əməkdaşlardan tapşırıq qəbul edir və dəyişikliklərə əvvəlcədən qoyulmuş qaydalara uyğun reaksiya verir. “Perplexity”yə görə, agentlər marketinq, satış, dəstək və əməliyyat işlərini görə bilər. Məsələn, proqram xətalarını qruplaşdıra, keyfiyyəti yoxlaya, təhlükəsizliyə nəzarət edə və məlumatları təhlil edə bilərlər. Siyahıya A/B testlərinin, yəni 2 fərqli variantın nəticələrini müqayisə edən sınaqların idarəsi də daxildir. Agentlər verilən rəylərdən və səhvlərdən nəticə çıxarır. Göstərilən nümunədə reklam agenti daha sərfəli reklam materiallarını seçib, daha böyük kampaniya hazırlayıb və müqavilənin uzadılması məsələsini hüquq şöbəsinə göndərib. “Teammates”dən hələlik veb versiyada istifadə etmək olur, “iOS” dəstəyi də elan edilib. Məlumatlarda “iOS” versiyasının hazır olub-olmadığı fərqli göstərilir. Ayrıca mobil və masaüstü tətbiqlərin daha sonra çıxacağı deyilir. “Free” və “Pro” istifadəçiləri agentlərdən yararlanmaq üçün “Max” planına keçməlidirlər. “OpenAI”, “Anthropic”, “Microsoft” və “xAI” da oxşar iş agentləri hazırlayır. “Perplexity” gələcəkdə hər əməkdaş üçün 100-lərlə agent işlətməyi planlaşdırır.