Honor Pad X7b təqdim edildi — metal korpuslu və 21 saatadək batareya ömrünə malik büdcə planşeti

Honor şirkəti qlobal bazarda yeni büdcə planşeti Pad X7b-ni təqdim edib. Qurğu 8,48 mm qalınlığında tam metal korpusa malikdir və 447 qram çəkir. Planşet 2052x1152 piksel təsvir ölçülü, 90 Hz yenilənmə tezlikli və 500 nit pik parlaqlığa malik 9,7 düymlük ekranla təchiz edilib. Matris sRGB rəng məkanını 100% əhatə edir. Ekran ön panel sahəsinin təxminən 81%-ni tutur. Görmə qabiliyyətini qorumaq üçün proqram təminatlı mavi işıq filtri, Dynamic Dimming texnologiyası və xüsusi eBook Mode oxu rejimi nəzərdə tutulub. Ayrıca əyləncə məkanına və dörd səviyyəli valideyn nəzarətinə malik uşaq rejimi də var.

Planşetin məhsuldarlığını səkkiznüvəli Snapdragon 685 prosessoru təmin edir. Operativ yaddaşın həcmi 4 Gb təşkil edir və onu 128 Gb-dək tutuma malik daxili yaddaş hesabına virtual olaraq daha 4 Gb genişləndirmək mümkündür. Yaddaşı həmçinin tutumu 2 Tb-dək olan microSD kartları vasitəsilə artırmaq olar.

Honor-un məlumatına görə, 8000 mA·saat tutumlu batareya 16 saatadək video izləməni və ya 21 saatadək elektron kitab oxumağı təmin edir. Gözləmə rejimində qurğu 82 günədək işləyə bilir.

Honor Pad X7b artıq istehsalçının qlobal saytında yerləşdirilib, lakin hələlik rəsmi olaraq yalnız Səudiyyə Ərəbistanında satılır. Baza versiyanın qiyməti $135, LTE və 128 Gb fləş yaddaşa malik versiyanın qiyməti isə $185 təşkil edir.