Texnologiya və etimad zirvədədir: “Kaspersky Laboratoriyası” qlobal XDR bazarında liderliyini təsdiqlədi

“Kaspersky Laboratoriyası” QKS Group beynəlxalq analitik agentliyinin hazırladığı SPARK Matrix™: Extended Detection and Response (XDR) qlobal reytinqinin lideri kimi tanınıb. Ekspertlər şirkətin texnoloji səriştələrini (Technology Excellence) və müştərilər üçün əhəmiyyətli dəyər yaratmaq qabiliyyətini (Customer Impact) yüksək qiymətləndiriblər. Bu iki göstəricinin məcmusuna görə, “Kaspersky Laboratoriyası” qlobal bazarın aparıcı oyunçuları və XDR həlləri təchizatçılarının ilk 10-luğu sırasına daxil olub.

QKS Group-un hesabatında qeyd olunur ki, “Kaspersky Laboratoriyası”nın XDR həllini bazarda fərqləndirən güclü cəhət müxtəlif mənbələrdən təhlükəsizlik məlumatlarını toplamaq və onları vahid sistemdə görmək imkanıdır. Bu, mütəxəssislərə təhdidləri daha tez aşkarlamağa və onlara reaksiya verməyə imkan yaradır. Platforma EPP, EDR, XDR və SIEM-i birləşdirir, həmçinin “Kaspersky Laboratoriyası”nın və digər təchizatçıların həlləri ilə 300-dən çox hazır inteqrasiyanı dəstəkləyir. Platformada süni intellekt texnologiyalarından və Kaspersky Threat Intelligence kibertəhdid məlumatlarından da istifadə olunur. Hazır və fərdiləşdirilə bilən reaksiya ssenariləri bildirişlərin və insidentlərin emalını avtomatlaşdırmağa, bununla da təhdidlərin lokallaşdırılmasını sürətləndirməyə və informasiya təhlükəsizliyi komandalarının iş yükünü azaltmağa imkan verir, çevik yerləşdirmə variantları isə platformadan müxtəlif İT mühitlərində istifadə etməyə şərait yaradır.

“Müasir kiberhücumlar İT infrastrukturunun eyni anda bir neçə elementinə təsir göstərir, buna görə də təşkilatlara təhdidlərin aşkarlanması və təhlilinə kompleks yanaşma lazımdır. XDR pərakəndə siqnalları və hadisələri vahid kontekstdə birləşdirməyə imkan verərək, mütəxəssislərə insidentin miqyasını daha tez anlamağa və tədbir görməyə kömək edir. QKS Group-un XDR platformamızı yüksək qiymətləndirməsinə şadıq. Əsas göstəricilər üzrə XDR bazarının aparıcı qlobal oyunçuları ilə bir sırada olmağımız xüsusilə vacibdir. Bizim üçün bu, təkcə platformanın texnoloji imkanlarının deyil, həm də bütün dünyada təşkilatlar üçün yaratdığı, təhdidlərin aşkarlanması, təhlili və onlara reaksiya proseslərinin səmərəliliyini artırmağa kömək edən praktiki dəyərin tanınmasıdır”, — “Kaspersky Laboratoriyası”nın vahid korporativ platformasının inkişaf istiqamətinin rəhbəri İlya Markelov bildirir.

“‘Kaspersky Laboratoriyası’ kibermüdafiə məlumatlarına əsaslanan təhdidlərin aşkarlanması və onlara reaksiya üçün vahid yanaşması sayəsində XDR bazarındakı mövqeyini möhkəmləndirib. Şirkətin XDR platforması EPP, EDR, XDR və SIEM imkanlarını birləşdirərək təşkilatlara son cihazlardan, şəbəkələrdən, bulud mühitlərindən və üçüncü tərəf mənbələrindən alınan telemetriya və informasiya təhlükəsizliyi hadisələrini əlaqələndirməyə imkan verir. Araşdırma qrafı, çarpaz korrelyasiya, təhdid axtarışı və Kaspersky Threat Intelligence ilə inteqrasiya imkanları mürəkkəb və inkişaf edən təhdidləri aşkarlamağa kömək edir. Geniş inteqrasiya imkanları, hazır və fərdiləşdirilə bilən reaksiya ssenariləri, süni intellekt texnologiyaları və çevik yerləşdirmə variantları ilə birlikdə bu, ‘Kaspersky Laboratoriyası’nın XDR bazarında lider mövqeyini təmin edir”, — QKS Group-un baş analitiki Kunal Kumar bildirir.

QKS Group-un SPARK Matrix™ reytinqi Extended Detection and Response (XDR) həlləri bazarındakı rəqabət mühitinin araşdırmasıdır. Reytinq əsas bazar tendensiyalarının, sahənin dinamikasının, aparıcı təchizatçıların və onların rəqabət mövqelərinin təhlilini ehtiva edir. Araşdırma təşkilatlara müxtəlif təchizatçıların imkanlarını müqayisə etməyə, onların texnoloji üstünlüklərini və rəqabət baxımından fərqlərini qiymətləndirməyə, həmçinin XDR həllərini seçərkən şirkətlərin bazardakı mövqeyini nəzərə almağa imkan verir.